తిరుపతిలో అక్రమ నిర్మాణాల కూల్చివేత

తిరుపతి మున్సిపల్ కార్పొరేషన్ పరిధిలో అనుమతులు తీసుకుని అతిక్రమించినవి కొన్ని, అనుమతులు లేకుండా చేపట్టినవి మరికొన్ని భవనాల నిర్మాణం ఆకాశమే హద్దుగా సాగిపోతోంది. తిరుపతి మున్సిపాలిటీగా ఉన్నప్పుడు ఖజానాకు గండికొట్టి కొందరు టౌన్‌ప్లానింగ్ అధికారులు అక్రమ నిర్మాణాలను ప్రోత్సహించినట్టు పలు విమర్శలు ఉన్న నేప«థ్యంలో నగరపాలక సంస్థ కమిషనర్ ప్రసాద్ దీనిని సవాల్‌గా తీసుకుని అక్రమ నిర్మాణాల కూల్చివేతకు బుధవారం శ్రీకారం చుట్టారు. ఆధికార పార్టీ నేతలతోపాటు సీఎం పేషీ నుంచి ఒత్తిడి వచ్చినా లెక్క చేయకుండా, తన ఫోన్ స్విచ్ ఆఫ్‌చేసి అనుమతిలేని అంతస్తుల కూల్చివేత కొనసాగించారు.