వైయస్ విజయమ్మ ఇక ఎమ్మెల్యే కాదు !! ?

వైయస్సార్ కాంగ్రెసు పార్టీ గౌరవ అధ్యక్షురాలు, పులివెందుల శాసనసభ్యురాలు వైయస్ విజయమ్మ శనివారం అసెంబ్లీ సమావేశాలకు హాజరు కాకుంటే ఆమెపై వేటు పడే అవకాశాలు ఉన్నాయి. ఎవరైనా శాసనసభ్యులు వరుసగా ఆరు నెలలు అసెంబ్లీకి హాజరు కాని పక్షంలో వారి సభ్యత్వం రద్దయ్యే ఛాన్స్ ఉంది. వైయస్ విజయమ్మ శాసనసభ్యురాలిగా ప్రమాణ స్వీకారం చేసి శనివారానికి ఆరు నెలలు పూర్తవుతుంది. గత ఆరునెలలుగా ఆమె ఒక్కసారి సమావేశాలకు హాజరు కాలేదు. దీంతో ఆమె శాసనసభ్యత్వాన్ని రద్దు చేసే అధికారం స్పీకర్‌కు ఉంటుంది.ఆమెపై వేటు పడే అవకాశాలున్నందున శనివారం ఆమె అసెంబ్లీకి తప్పని పరిస్థితిల్లో హాజరు కావాల్సి ఉంది. పులివెందుల నియోజకవర్గం నుండి గెలిచిన విజయమ్మ ఈ సంవత్సరం జూన్ 3వ తారీఖున ఎమ్మెల్యేగా ప్రమాణ స్వీకారం చేశారు. కాగా విజయమ్మ రెండో రోజు కూడా సమావేశాలకు హాజరు కాలేదు.