సంక్రాంతి తర్వాత మాకు పదవులు ఖాయం : చిరంజీవి

సంక్రాంతి తర్వాత రాష్ట్ర మంత్రి వర్గ విస్తరణ జరుగుతుందని, అందులో తమ వారికి బెర్త్‌లు ఖాయమని కాంగ్రెస్ నేత చిరంజీవి ఆశాభావం వ్యక్తం చేశారు. ఈ ఏడాది సినిమా చేస్తారా అన్న మీడియా ప్రశ్నకు సమాధానంగా కథ నచ్చితే సినిమా చేస్తానని చిరు తెలిపారు. వైకుంఠ ఏకాదశి సందర్భంగా గురువారం ఉదయం శ్రీవారిని దర్శించుకున్న చిరంజీవి అనంతరం మీడియాతో పై విధంగా మాట్లాడారు.ఎట్టకేలకు చిరంజీవి నోరు విప్పడంతో రాష్ట్ర కేబినేట్‌లో పీఆర్పీకి చెందిన వారికి పదవులు వచ్చే విషయంపై కొనసాగుతున్న ఊహాగాలకు తెరపడింది. చిరంజీవి వర్గం ఎమ్మెల్యేలకు మంత్రి పదవులు విషయంలో కాంగ్రెస్ అధిష్టానం నుంచి స్పష్టమైన హామీ వచ్చినట్లు భావించాలి.