కుటుంబ సభ్యులను కూడా నమ్మరు...మంత్రి శైలజానాథ్

తెలుగుదేశం పార్టీ అధ్యక్షుడు నారా చంద్రబాబు నాయుడు తన కుటుంబ సభ్యులను కూడా నమ్మరని రాష్ట్ర ప్రాథమిక విద్యా మంత్రి శైలజానాథ్ వ్యాఖ్యానించారు. ఎన్టీఆర్ వారసులు నందమూరి బాలకృష్ణ, నందమూరి హరికృష్ణ, జూనియర్ ఎన్టీఆర్‌లను చంద్రబాబు తెలుగుదేశం పార్టీ కోసం వాడుకుంటున్నారని ఆయన శనివారం మీడియా ప్రతినిధులతో అన్నారు. బ్లాక్ మెయిల్ చేసే నైజం చంద్రబాబుదేనని, తమ కాంగ్రెసు పార్టీకి ఆ నైజం లేదని ఆయన అన్నారు. తమ పార్టీ అధ్యక్షురాలు సోనియా గాంధీ సూచన మేరకే ప్రజారాజ్యం పార్టీ నాయకులకు మంత్రి పదవులు ఇస్తున్నట్లు ఆయన తెలిపారు. సోనియా గాంధీ ఆశీస్సులతో అధిష్టానం పరిశీలన జరిపి, ముఖ్యమంత్రి కిరణ్ కుమార్ రెడ్డితో చర్చలు జరిపి నియామకాలు, పదవులు ఇస్తారని ఆయన వివరించారు.

బాడీగార్డ్ రివ్యూ

బాడీగార్డ్.. మళయాళంలో పుట్టి.. తమిళంలో అడుగుపెట్టి.. బాలీవుడ్లో పెరిగి.. ఇప్పుడు టాలీవుడ్ కి వచ్చింది. ఇంకా కన్నడ, బెంగాళీ బాబుల్నీ పలకరించనుంది. ఇన్ని భాషల్లోకి వెళ్లేంత విషయం ఏముంది ఇందులో అని చూస్తే.. ప్చ్! నిరాశే! ఒక సాధారణ సినిమా ఇది. మనకి కొత్త కూడా కాదు. క్లైమాక్స్ లో వచ్చే మలుపును మినహాయిస్తే ఈ సినిమాలో ఆకట్టుకునే అంశాలు తక్కువే.చిన్నతనంలో తన ప్రాణాలు కాపాడిన వరదరాజులు నాయుడు (ప్రకాష్ రాజ్) అంటే వెంకటాద్రికి అపారమైన గౌరవం. ఆయన కూతురు కీర్తి (త్రిష)ను ప్రత్యర్థులు చంపాలని చూస్తుండటంతో.. వెంకటాద్రిని ఆమెకు బాడీగార్డ్ గా పెడతాడు వరదరాజులు. కీర్తి చదివే కాలేజిలోనే వెంకటాద్రి కూడా అడ్మిషన్ తీసుకుని ఆమె.. వెంట తిరుగుతుంటాడు. ఐతే వెంకటాద్రి ఎంతసేపూ తన వెంటే తిరగడం కీర్తికి ఇష్టముండదు. దీంతో అతని దృష్టి మళ్లించేందుకు.. ఫోన్ చేసి వేరే అమ్మాయిలా మాట్లాడుతూ ఉంటుంది. మొదట పట్టించుకోకపోయినా.. తర్వాత ఆమెనే ఆరాధిస్తాడు వెంకటాద్రి. కొన్ని సంఘటనల తర్వాత కీర్తి కూడా అతని ప్రేమలో పడుతుంది. ఐతే కీర్తికి అప్పటికే తన బావతో పెళ్లి కుదిరి ఉంటుంది. ఈ స్థితిలో తానే ఫోన్లో మాట్లాడే అమ్మాయినని వెంకటాద్రికి చెప్పేయడానికి సిద్ధమవుతుంది కీర్తి. కానీ ఓ అనూహ్యం సంఘటనతో కథ మలుపు తిరుగుతుంది. ఏంటా మలుపన్నదే క్లైమాక్స్.వెంకటాద్రి (వెంకటేష్‌).. తను దేముడులా భావించే వరదరాజులు నాయుడు (ప్రకాష్‌రాజ్‌)కి బాడీగార్డ్ గా పనికి కుదురుతాడు. అతని ధైర్యం, తెగువ నచ్చిన వరదరాజులు.. తన కూతురు కీర్తి (త్రిష)కి తన శత్రువల వల్ల ప్రమాదం ఉందని బావించి వెంకటాద్రిని ఆమెకు బాడీగార్డ్‌గా నియమిస్తాడు. అక్కడనుంచి ఆమెకు తోడుగా కాలేజికి వెళ్తూ తన అతి జాగ్రత్తల వల్ల ఆమెను ఇబ్బందులకి గురి చేస్తూంటాడు. విసిగిన కీర్తి వెంకటాద్రి మనస్సుని డైవర్ట్ చేసి స్వేచ్చ పొందాలనుకుని, అతనితో ఫోన్ ప్రేమ డ్రామా మొదలెడుతుంది. ఈ విషయం తెలియని వెంకటాద్రి.. ఫోన్ లో ఆమెతో ప్రేమలో పీకలోతు మునిగిపోతాడు. అప్పుడు కీర్తి అతనికి అస్సలు విషయం చెప్పిందా... ఇద్దరూ ఎలా కలిసారు... అన్నది తెలుసుకోవాల్సింటే తెరపై చూడాల్సిందే.ఈ చిత్రం వెంకటేష్ కు సంతోషం (నాగార్జున)లాంటి సినిమా అని చెప్పాలి. నిజానికి ఈ కథ తెలుగువారికి కొత్తేమీ కాదు.. అయితే ఈ కథకు కూర్చిన కథనమే సినిమా చివరి వరకూ ఎక్కడా బోర్ కొట్టకుండా కూర్చోబెట్టగలిగింది. ముఖ్యంగా క్లైమాక్స్... కుచ్ కుచ్ హోతా హై ని గుర్తు చేస్తుంది. అన్నిటికన్నా ప్రధానంగా చెప్పుకోవాల్సింది ఈ చిత్రానికి వెంకటేష్ ని ఎన్నుకోవటం.. మరో హీరో అయితే నప్పడు అనిపించేలా సినిమాను తను ఒక్కడే అయ్యి లాక్కెళ్లిపోయాడు. సెకండాఫ్ లో కాస్త స్లో అయ్యినా, త్రిష పై పెట్టిన ఎమోషన్ సీన్స్, ప్రీ క్లైమాక్స్ ట్విస్టు సినిమాకు ప్లస్ అయ్యాయి. ఇక డాన్ శీను చిత్రాన్ని కామెడితో ఒప్పించిన దర్శకుడు గోపీచంద్ మలినేని ఈ చిత్రంతో కామిడీ, సెంటిమెంట్ రెండూ కలిపి మెప్పించగలనని నిరూపించుకున్నాడు. కోన వెంకట్ మాటలు పెద్దగా పేలకున్నా కథనానికి ఇబ్బంది కలగకుండా నడిచిపోయాయి. టెక్నికల్ గా కెమెరా యావరేజ్ గా ఉంది. పాటల్లో టైటిల్ సాంగ్ బాగుంది. ఎడిటింగ్, ఆర్.ఆర్ సోసోగా ఉన్నాయి. మిగిలిన నటీనటుల్లో వేణు మాధవ్, అలీ కథకు పెద్దగా ఉపయోగపడకపోయినా నవ్వులు పండించటంలో తమ వంతు సాయం చేసారు. ఇక ప్రకాష్ రాజ్, తణికెళ్ల, ధర్మవరపు ఎప్పటిలాగే చేసేసారు. సెకండాఫ్ లో పాటలు ప్లేస్ మెంట్స్ మారిస్తే బావుండును అనిపిస్తుంది. అయితే ఇప్పటికే హిందీ, తమిళ భాషల్లో ఈ చిత్రాన్ని చాలామంది చూసేయటమే ఈ సినిమాకున్న ఏకైక మైనస్.రజనీకాంత్ హీరోగా వచ్చిన కథానాయకుడు సినిమా గుర్తుందా? క్లైమాక్సే ఆ సినిమాకు ప్రధాన ఆకర్షణ. గొప్పగా అనిపించే ఆ ఒక్క సన్నివేశాన్ని నమ్ముకుని మిగతా కథనాన్నంతా ఒకే రకమైన బోరింగ్ సన్నివేశాలతో నింపేశారు. చివర్లో సన్నివేశం మనసును హత్తుకున్నా.. అప్పటిదాకా సినిమా బోరింగ్ సాగుతుంది. అందుకే ఆ సినిమాను ప్రేక్షకులు తిప్పికొట్టారు. ఇప్పుడా కోవలోనే ఇంకో మళయాళం రీమేక్.. తెలుగు తెరపైకి వచ్చింది. అదే.. బాడీగార్డ్. ఇందులోనూ క్లైమాక్సే సినిమాకు ఆయువుపట్టు. కానీ అంతకుముందు వరకు ఒకే తరహా విసుగు తెప్పించే సన్నివేశాలు ప్రేక్షకుల సహనాన్ని పరీక్షిస్తాయి. అసలు కథలోనే చాలా పరిమితులున్నాయి. హీరో దృష్టిని మళ్లించడానికి ఫోన్లో నాటకమాడాలన్న ఎత్తుగడను హీరోయిన్ ఎంచుకోవడంతో.. సినిమాలో ఎంటర్టైన్మెంట్ కు బ్రేక్ పడిపోయింది. గజినిలో ఇలాగే హీరో తన ఐడెంటిటీ తెలియకుండా హీరోయిన్ తో ప్రేమాయణం సాగిస్తాడు. ఐతే అక్కడ వారిద్దరూ కలుస్తారు కాబట్టి.. సరదా సన్నివేశాలకు అవకాశం కలిగింది. కానీ ఇందులో ఫోన్లో మాట్లాడటమే కాబట్టి అందుకు అవకాశం లేకపోయింది. ఎంతసేపూ తెరపై ఫోన్ లో మాట్లాడే సన్నివేశాలే దర్శనమిస్తుండటం ప్రేక్షకులకు విసుగు పుట్టిస్తుంది. ద్వితీయార్ధంలో చివరి అరగంట ప్రేక్షకుల్ని మెప్పిస్తుంది. ఐతే అంతకుముందు వరుసగా వచ్చే పాటలు ఇబ్బందిపెడతాయి.

నమస్తే రాయలసీమ డాట్ కాం

పాఠకులకు సంక్రాంతి శుభాకాంక్షలు

బిజినెస్ మ్యాన్ సినిమా రివ్యూ

మహేష్ తాజా చిత్రం బిజినెస్ మ్యాన్ ఈ రోజు ప్రపంచవ్యాప్తంగా రికార్డు స్థాయిలో రెండువేల థియేటర్లలో విడుదల అయ్యింది. ఈ చిత్రం ఇనీషియల్ గా అందిన టాక్ ప్రకారం...హిట్ అని తెలుస్తోంది. అయితే దూకుడు రేంజా,పోకిరీ రేంజా అనేది తేలాలి అంటున్నారు. పస్టాఫ్ ఫన్ తో గడిచిపోయినా,సెకండాఫ్ మొత్తం గన్స్ ,పోలీసులు,ప్రేమతో నడుస్తుంది. దాంతో కొద్దిగా స్లో అయ్యినా క్లైమాక్స్ లో వచ్చే ట్విస్ట్ సినిమాకు హైలెట్ అని చెప్తున్నారు.సూర్య(మహేష్ బాబు) తల్లిదండ్రులు అమెరికాలో సెటిల్ అవుతారు. అక్కడ సంపాదించిన డబ్బుతో ఇండియాలో ఏదైనా వ్యాపారం చేద్దామని వస్తారు. అప్పటికి మహేష్ ది చిన్న వయసు. జయదేవ్(ప్రకాష్ రాజ్) వీరిని మోసం చేసి డబ్బు గుంజుకుని సూర్య తల్లిదండ్రులను చంపేస్తాడు. సూర్య ఈ చిన్న వయసులో తల్లిదండ్రులను చంపిన వారిపై హత్యాయత్నం చేయబోయి బోస్టన్ స్కూల్ లో చేరుతాడు. ఈ క్రమంలో ఇక్కడి మనుషుల మీద, ఈ దేశం మీద కసి పెంచుకుంటాడు. అప్పటికి ముంబైలో డాన్ ఎవరూ ఉండరు. తనే డాన్ గా ఎదగాలనుకుంటాడు. తన స్నేహితుడు బ్రహ్మాజీతో కలిసి లోకల్ గా చిన్న గ్యాంగ్ ను ఏర్పాటు చేసుకుంటాడు. మంచి చెడు తేడా లేకుండా సెటిల్ మెంట్లు చేస్తూ భాయ్ గా ఎదుగుతుంటాడు. ఈక్రమంలోనే ప్రతిపక్ష పార్టీ లాలూ(షయాజీ షిండే)కి పొలిటికల్ సపోర్టు ఇచ్చి మేయర్ గా గెలిపిస్తాడు. రూలింగ్ పార్టీలో ఉన్న జయదేవ్(ప్రకష్ రాజ్)కి కంటి మీద కునుకు లేకుండా చేస్తాడు. పోలీస్ కమీషనర్ కూతురు చిత్ర(కాజల్)ను ట్రాప్ చేసి ప్రేమిస్తున్నట్లు నటిస్తాడు. తనకు ఉపయోగ పడుతుందనే ఉద్దేశ్యంతోనే మొదలు పెట్టి నిజంగానే ప్రేమిస్తాడు. దేశం మొత్తం సూర్య భాయ్ నెట్కవర్క్ విస్తరిస్తుంది. ప్రధాన మంత్రిని శాసించే స్థాయికి ఎదుగుతాడు. మరి సినిమా క్లైమాక్స్ ఏమిటి అనేది తెరపై చూడాల్సిందే. ఇక ఈ చిత్రం కథ ముంబై కి డాన్ అవుదామనే సూర్య అనే కుర్రాడి కథ. అతనికో సాడ్ ఫ్లాష్ బ్యాక్ ఉంటుంది. పక్కా రివేంజ్ తో నడిచే స్టైలిష్ ఎంటర్టైనర్ అని చెప్తున్నారు.అలాగే ఈ కథ గొప్పగా లేక పోయినా హీరో క్యారెక్టైరేజన్ హైలెట్ గా తీర్చిదిద్దటం ప్లస్ అయ్యిందని,అదే టాక్ పాజిటివ్ గా రావటానికి కారణమంటున్నారు. ఇక కాజల్ కూడా ఇంతకుముందు లేని విధంగా ఈ సినిమాలో గ్లామర్ తో కుర్రకారుకి వెర్రిక్కించిందని అంటున్నారు. ఇక మహేష్ చెప్పే పంచ్ డైలాగ్స్ కు ధియోటర్స్ లో విజిల్స్ మ్రోగుతున్నాయి. అయితే పూరీ టేకింగ్ కొత్తగా ఏమి లేదని,మహేష్ గ్లామర్ సినిమాని నిలబెడుతుందని,సంక్రాతి విజేతగా చిత్రం నిలిచే అవకాశాలు ఉన్నాయని చెప్పుకుంటున్నారు.సినిమాలో సీన్ టు సీన్ మహేష్ బాబే కనిపిస్తాడు. డైలాగ్స్ అదిరి పోయాయి. సినిమా విజయ సాధించడం ఖాయంగా కనిపిస్తోంది. కాజల్ పెర్ఫార్మెన్స్ ఫర్వాలేదు. ప్రకాష్ రాజ్, షయాజీ షిండే, నాజర్ తదితరులు తమ తమ పాత్రల మేరకు బాగా నటించారు

108 వాహనాల నిర్వహణ రవాణా శాఖ పరిధిలోకి

అత్యవసర వైద్య సేవల కోసం వినియోగిస్తున్న 108 వాహనాల నిర్వహణను ఆర్టీసీకి అప్పగించాలని రాష్ట్ర రవాణా శాఖ మంత్రి బొత్స సత్యనారాయణ యోచిస్తున్నట్టు సమాచారం. 108ను ముఖ్యమంత్రి కిరణ్‌కుమార్‌రెడ్డి పట్టించుకోకపోవడంతో పార్టీకి నష్టం జరుగుతోందని భావిస్తున్న సత్తిబాబు 108ని రవాణా శాఖ పరిధిలోకి తీసుకురావాలని భావిస్తున్నట్టు తెలుస్తోంది. సగానికిపైగా 108 వాహనాలు షెడ్‌లకే పరిమితం కావడం పట్ల సత్తిబాబు సీరియస్‌గా ఉన్నట్టు తెలుస్తోంది. దీంతో 108 వాహనాల బాధ్యతను ఆర్టీసీకి అప్పగిస్తే బాగుంటుందని ఆయన భావిస్తున్నట్టు సమాచారం.

విభేదాలున్నా సర్దుకుంటా...టీటీడీ చైర్మన్ కనుమూరి బాపిరాజు

ప్రోటోకాల్ వీఐపీ దర్శనంలో మూడు కేటగిరిల విధానం రద్దు చేయనున్నట్టు టీటీడీ చైర్మన్ కనుమూరి బాపిరాజు తెలిపారు. వచ్చే పాలకమండలి సమావేశంలో దీనిపై నిర్ణయం తీసుకోనున్నట్టు చెప్పారు. వైకుంఠ ఏకాదశి రోజున తిరుమలలో ఎమ్మెల్యేలకు కలిగిన అసౌకర్యానికి ఆయన క్షమాపణ కోరారు. రెండో బ్రహ్మోత్సవాల గురించి ఇంకా నిర్ణయం తీసుకోలేదన్నారు. ఈవో, జేవోలతో విభేదాలు లేవని, ఒకవేళ ఉన్నా తానే సర్దుకుంటానన్నారు. అన్నదానంలో కల్తీ బియ్యాన్ని పరిశీలిస్తున్నామని, త్వరలో టెండర్ మారుస్తామని బాపిరాజు తెలిపారు.

మహేష్ బాబు-కాజల్ మధ్య ఘాటైన లిప్ లాక్ సీన్లపై. ..నమ్రత ఓకే!

మహేష్ బాబు నటించిన ‘బిజినెస్ మేన్’ సినిమా మరో వారంలో విడుదలవుతుందనే తరుణంలో సినిమాలో మహేష్ బాబు-కాజల్ మధ్య ఘాటైన లిప్ లాక్ సీన్ ఉందనే వార్తలు సినిమాపై మరింత ఆసక్తిని పెంచాయి. మహేష్ బాబు ఇదివరకెన్నడూ ఏ హీరోయిన్ తో కూడా లిప్ లాక్ సీన్లలో నటించలేదు కాబట్టి తమ అభిమాన హీరో తెరపై ముద్దు సరసం పండిస్తుంటే చూడాలని ఆశ పడుతున్నారు అభిమానులు. మరి ముద్దు సీన్ వార్త నిజమా? కాదా?అనే సందేహంలో ఉన్న అభిమానులకు దర్శకుడు పూరి జగన్నాధ్ క్లారిటీ ఇచ్చారు. ఇటీవల జరిగిన ప్రెస్ మీట్ లో మాట్లాడుతూ...సినిమాలో మహష్ బాబు-కాజల్ మధ్య ముద్దు సీన్ ఉందని కన్ ఫర్మ్ చేశారు. మహేష్ బాబు తన భార్య నమ్రత శిరోద్కర్ అనుమతి మేరకే ముద్దు సీన్ కు ఓకే చేశాడని, సినిమాకు ఎంతో కీలకంగా ఉండే ఆ సీన్ పై ఆమె ఎలాంటి అభ్యంతరం తెలుపకుండా ఓకే చెప్పిందనే వార్తలు కూడా వినిపిస్తున్నాయి.